感情同愛情一樣，可以用這麼遠，那麼近來形容！有人試過很年輕的時候，就與異性拍拖，未夠30就結婚；但同時亦有人即使年屆30仍未搵到合適對象，而這些時候家人、親戚都不知為何會較為著急。日前，在討論區內，就有位網友就以「點睇屋企人親戚幫你搵對象？」為題發出帖文，指自己年過30，屬單身人士，而家人、親戚就因為想這位巴打拍拖，不斷介紹女生給他認識。
撰文：宅宅子｜圖片來源：連登討論區、電影《月滿軒尼詩》劇照
巴打討論區出帖問：點睇屋企人親戚幫你搵對象？
有位年屆32的網友日前就在連登討論區內，以「點睇屋企人親戚幫你搵對象？」為題發出帖文，並寫下：「話說小弟32單身中，屋企人、親戚係咁幫我搵女仔咁，問我個點個個點，佢哋好想我拍拖咁，但我自己好15、16，用呢種形式識女好唔知點咁」，從而引起過百網友留言。
帖文一出後，即獲得過百網友留言討論，有部份網友留言表示自己或身邊都有朋友有出現同樣情況，指被家人去迫相睇：「一睇以為自己開post….同你一樣，屋企人係咁介紹啲男仔俾我識，但真係傾唔落去….」，亦有網友開解樓主：「佢地都係想你成家立室姐，識多個人無壞既，咪試下囉，可能岩呢」、「咪識吓囉，有咩所謂」、「自己溝唔溝到先？接受人幫忙都係種勇氣」，但樓主卻回覆：「我覺得好尷尬！」
有網友就向叫樓主分享一下相睇後的情況：「識完可唔可以分享吓有幾尷」，樓主就解釋尷尬原因：「親戚屋企人睇住晒問來問去咁」，網友得悉後，便回覆：「以為得你地兩個添！」可想而知樓主有多尷尬；此外，也有網友分享相睇時與異性見面時的情況。
圖片來源：連登討論區、電影劇照
文章來源：http://nmplus.hk
